Ландшафтық дизайн – бұл мектеп аумағын абаттандырудың бір тәсілі, оның көмегімен функционалды, жайлы әрі қауіпсіз білім беру кеңістігін ұйымдастыруға болады. Заманауи дизайн тенденциялары мектептің «жасыл» ауласын икемді пайдалануды талап етеді: білім беруге, демалысқа, спорттық, ғылыми-зерттеу жұмыстарына арналған орындар құру ұсынылады.

Мектеп ауласының ландшафтық дизайнын шешетін мәселелер:

- Оқушылардың практикалық дағдыларды алуы;
- Білім алушылардың эстетикалық сезімдерін тәрбиелеу;
- Оқушыларды оқу процесіне нұқсан келтірмей, үй-жайдан тыс жерде болудың қосымша уақытымен қамтамасыз ету;
- Оқушыларды белсенді экологиялық және табиғатты қорғау істеріне тарту, экологиялық мәдениетке тәрбиелеу.